أحلى 50 نكت مختارة بعناية أرجو أن تنال إعجابكم

مختالاات من أحلى 50 نكتة مني شخصياً إليكم يا أصحاب.......

1- محشش صايم قال لأخوه : لولا المضمضة متنا عطش.
2- واحد ضرب محشش كف سأله : مزح ولا جد؟ قال : جد. قال : أحسن أنا ما بحب المزح.
3- مدرس يسأل طلابه: لماذا سمي البحر الأسود بهذا الاسم؟ قال طالب: لأنه زعلان على رفيقه البحر الميت.
4- شرطي شاف واحد راكب متور بارت وعم يشبب خالفو وكتب محاولة طيران. (أكيد هادا واحد دوماني)
5- شو الفرق بين الفيل والنملة ؟ الفيل بتنمل رجله بس النملة ما بتفيل رجلها.
6- شو الفرق بين الرسن والتنورة القصيرة؟ الرسن بيجر حمار والتنورة بتجر 1000 حمار.
7- محشش فات على مخبر تحاليل طبية وسألهم؟ بدي أفهم شغلة وحدة أنو شلون بتحللوا البوب وبتحرموا الخمر.
8- محشش مش عارف مواعد وحدة السعة تنتين ولا مواعد تنتين الساعة وحدة.
9- حمصي سألوه شلون بتصيد الأرنب قال: أتخبى ورا الشجرة وأقلد صوت الجزرة.
10- محشش سأل أخوه أديش الساعة؟ قال مدري قال أخوه: غريبة أنا عندي مدري إلا عشرة.
11- بدوي قال لأبوه : بابا أبغي نوكيا قلو أبوه : غير بنت عمك ما تتزوج يا كلب.
12- ولد مضيع أمه شاف الشرطي وقله : شفتلي مرأة مرت من هون وما معها صبي يشبهني.
13- في واحد كل يوم بفيق مدهوش في يوم فاق ما مدهوش فاندهش.
14- محشش عم يدهن بيتو مر رفيقو وشافو وقلو حط جريدة قام قلو: لا عادي بطول بدونها.
15- وحدة أجنبية شافت حمصي حليوة قالتلو خد 10000 ونام معي قلها وفرضاً ما إجاني نوم.
16- سألت وحدة جارتها شلون مات جوزك قالتلها بعتوا يشتري معكرونة قامت دعستو سيارة قالتلها: أي وشوي عملتي قالت: عملت مجدرة.
17- واحد حمصي سألوه : شو بتعمل لما بتصحى من النوم قال: برتاح شوي.
18- شو هية قمة الأدب: أنو تدق باب البراد قبل ما تفتحو.
شو هية قمة الذهول: أن يفتح أحدهم لك باب البراد.
19- شو هية قمة الألم: إنك تتزحلط على شفرات وتقع بعدها بتشط معقم.
20- واحد أحول راح عالجيش حطو بقسم القذف العشوائي.
21- إذا بدوا اسرائيلي يخوف ولادوا شو بيقلن؟ .... بيقول اسكتوا أحسن ما جبلكن حسن نصر الله.
22- محشش مات أبوه أخذه على المغسل عالشان يحمموا قبل الدفن.
23- ما هو اسم وزير الدفاع الصيني؟ ...شن حرب شن.
24- ما هو اسم وزير الزراعة الإيراني؟ ...إزرع أكبر باذنجانة.
25- ما هو اسم وزير الرياضة الأردني؟ ...شايط شواط فتابولي.
26- حمصي قلو لرفيقه ابتسم مشان صورك صورة لذكرى قلو: دقيقة بس لأتعطر.
27- في واحد صايم اتصل على ما يطلبه الجمهور وقال: حابب اسمع مقطع من أذان المغرب.
28- في واحد حابب يفاجئ زوجته.... طلقها.
29- واحد بدو يتزوج قو أبو العروس المهر 200 ألف!!؟ قلو صاححلي بـ 50 ألف وحامل كمان.
30- في واحد حمصي سألو رفيقه شو أسماء إخواتك قلو: كلهم أحمد إلا حسين اسمه خالد.
31- صيني تزوج صينية... جابو دزينة صحون.
32- حزورة حمصية سهلة: يسير قطار بسرعة 60كم بالساعة فكم عصفورة على الشجرة إذا كانت البندورة بـ 35
33- الحمد الله أنو أمريكا اتهمت طالبان بتفجير الأبراج وما اتهمت الصف كلو.....
34- واحد سرق سيارة وراح يبيعها قام انسرقت منو فسأله أخوه بكم بعتها قلو براس المال.
35- واحد رمى على حبيبته وردة وماتت ليش يا حزركن!!!؟ ... لأنو نسي يشيلها من المزهرية.....
36- الحماصنة أخترعوا باص بالعرض مشان يركبوا كلهم قدام.....
37- في اثنين أغبياء تقاتلو مين بدو يمشي بالنص...
38- حماصنة يلعبوا عالأوتوستراد ويلي بيندعس مرتين يطلع برا اللعبة....
39- واحد بخيل مات لقوا بوصيته متسبح لا تغسلوني..
40- محشش سأل سكران؟ هو عمرو دياب أخو محمد فؤاد...؟ قال لا بس تشابه أسماء.
41- في واحد دلوع تزوج وحدة دلوعة جابو ولد سموه ياااااااي.
42- في واحد غليظ تزوج وحدة غليظة جابو ولد عمل حالو ميت..
43- حشاشين أعدين قدام المراية قال الأول لرفيقه قوم لنسلم على الشخصين يلي قدامنا ولما قامو قلو بلاها هن جايين لعنا.
44- واحد خبط بواحد تاني قلو شو مانك شايفني قلو لا شايفك بس ما عم اتذكر وين...
45- حمصي ماشي بالشارع لقى فاتورة راح دفعها...
46- حشاش شاف حشاش قلو لوين رايح قله مدري وانت قلو مدري قام قلو بسرعة أحسن ما نتأخر..
47- حمصي عمل باب زجاج حط فيه عين ساحرة.
48- محشش خبط بعامود الكهربا قال : الله يلعن شركة المي يلي حطط برج الخلوي هون.
49- واحد حب وحدة تزوج أختها عشان يضمن يشوفها كل يوم.
50- في واحد راح عالملعب معاه علم أسود ليش؟ ...يشجع الحكم..
51- واحد مر من قدام شرطي المرور أكتر من مرة ليش ؟ ....مرتو معاه ما حاطا حزام الأمان...
52- واحد تقاتلت مرنه مع الخدامة قام حط كل وحدة ببيت...

أرجو أن تكون نالت إعجابكم وأجو من الحشاشين والحماصنة يسامحونا على هالنكت لا تواخذونا...!!!!؟