نكت مضحكة جدا.

السلام عليكم ورحمة الله وبركاته


-- قالك مرة كان جحا واحد من المريكان واحد من الجابون
عطاو لكل واحد منهم مليار وقالولهم لازم تخترعو حوايج
مالا الماريكاني خدم صاروخ يروح لأي بلاصة
والياباني خدم خاتم بورتابل تكلم بيه اي واحد
اما جحا صرف دراهمو اكل قعدتلو غير مليون مالا شرى معزة وكلب
جوعهم ربعيام قبل ما يوصل وقت كي يورو اختراعاتهم
مالا بدا الماريكاني ورى اختراعو ثم الياباني وصت دالة جحا
حط الكلب وعطاه حشيش كلاه
وحط المعزة وعطاها اللحم كلاتو
قالولو واشي هو الاختراع قالهم
على الكلب: الكاركا سة كلب والموتور معزة
على المعزة: الكاركا سة معزة والموتور كلب.

-- قلك واحد حابس أراد أن ينتحر
فرآه صديقه فذهب إليه مسرعا وقالو :خويا علاه راك حاب تنتحر ؟
فأجابه:لأنني حابس وما نعرف والو .. فقال له صديقه : راح نبيلكلك ماكش حابس ..
وسقساه على حاجة مدورة وبيضة ؟ فقال له الحابس :مانيش عارف .
فأجابه صديقه بأنها حبة بيض ..ثم سأله سؤال ثاني و قالو :2مدورين و بيّض ؟ فقال له الحابس: مانيش عارف .
فأجابه صديقه بأنهما 2 حبات بيض ..ثم سأله سؤال ثالث و قالو:حيوان عندو الصوف وعندو القرون ويقول بععع؟
فأجابه الحابس : إيه مالا 3حبات بيض...

-- قلك واحد النهار زوج خاوة واحد يسموه فريطيط ولاخر يسموه بريطيط
قلك فريطيط دخل للحبس كي خرج كان محفف بولا زيرو ..
كي شافو بريطيط سقساه باه حففت فقالو خوه بالماشينة
أيا راح بريطيط للرايا تاع القطار و حط راسو ولما جاء القطار كلاكسونا عليه
قلو بريطيط :ما تقولي ني طيط ني بيط حففلي كيما خويا فريطيط.

-- قلك وحد المرة واحد حابس راح لفرانسا وبقى يدور حتى فات على وحد الزنقة وصاب فيها عرس
سقسا تاعمن هذا العرس قالو واحد :( je ne saie pas)
أيا راح وفي الغد جاز على زنقة أخرى وصاب فيها موت وسقسا تاعمن هذا الموت فقالو واحد :
(je ne saie pas )
عندها قال : مسكين (je ne saie pas ) البارح تزوج واليوم مات .

-- قالك زوج جيران واحد غني و الاخر فقير.
الفقير عندوا المصباح السحري كل صباح يمسحوا
يخرج العفريت يقولوا شبيك لبيك اطلب كل شيئ بين يديك
الفقير يقولوااعطيني كاس تاي.
شافوا الغني و حسدوا على المصباح السحري وبغى يديلواالمصباح
قالوا نعطيلك الفيلا و السيارة واعطيني المصباح الفقير قب لبالمقايضة
. مسح الغني المصباح وخرجلوا العفريت قالوا شبيك لبيك كل شيئبين يديك
قالوا بغيت فيلا على شاطئ البحر قالوا العفريت اسمحلي خويا نسربي غير تاي

شكرا لك وسلمت يداك